Роналду мен Месси ең көп табыс тапқан спортшылар тізіміне енді
Фото: Getty Images
Америкалық беделді Sportico порталы барлық уақыттағы ең көп табыс тапқан 50 спортшының рейтингін жариялады, деп хабарлайды Pin-UpSport.kz. Тізімге әртүрлі спорт түрлерінің өкілдері, соның ішінде футболшылар да кірді.
Рейтингті құрастыру барысында жалақы, бонустар, жүлдеақылар, жарнамалық келісімшарттар, лицензиялық табыстар, авторлық сыйақылар және басқа да қаржылық түсімдер есепке алынған. Ал 50 спортшының ішінде тек төртеуі ғана футболшылар болып табылады.
Тізімде үшінші орынды «Аль-Наср» клубы мен Португалия құрамасының шабуылшысы Криштиану Роналду иеленді — оның табысы инфляцияны есептегенде 2,52 миллиард долларды құрайды. Бесінші орында «Интер Майами» және Аргентина құрамасының ойыншысы Лионель Месси — 1,99 миллиард доллар. Сонымен қатар Дэвид Бекхэм сегізінші орынға (1,68 млрд доллар), ал «Сантос» және Бразилия құрамасының шабуылшысы Неймар 14-орынға (1,24 млрд доллар) жайғасты.
Рейтингтің көшін алты дүркін НБА чемпионы Майкл Джордан бастап тұр — оның жалпы табысы 4,5 миллиард долларды құрайды.
