Ғалымжан Кенжебек: «Қай команда болса да, жеңіске ойнаймыз»
Галымжан Кенжебек. Фото: КФФ
Қазақстан құрамасының шабуылшысы Ғалымжан Кенжебек алдағы 7 қыркүйекте Бельгияға қарсы өтетін әлем чемпионаты–2026 іріктеу кезеңінің ойынына дайындығы жайлы ой бөлісті, деп хабарлайды Pin-UpSport.kz.
– Екі күннің ішінде қалыпқа келдік. Бүгін ойын алдындағы жаттығу бар. Дайындығымызды ертең алаң көрсетеді.
– Уэльспен өткен матчтан кейін жанкүйерлер мақтап жатыр. «Ғалымжан гол соғуға лайық болды», «Аяғына дейін ойнау керек еді» деген пікірлер көп болды. Қалай қабылдайсың?
– Әрине, ондай жазбаларды өзім де көрдім. Қолдау жақсы әсер береді. Осындай мотивациямен алға жылжимын деп ойлаймын.
– Сол ойында тағы 10–15 минут берілсе, гол соғар ма едің?
– Ең алдымен Құдайға, сосын бапкеріміз Әли Ханалиеұлына рақмет. Қай уақытта ауыстыру керек екенін ол бізден жақсы біледі. Наурыздан бері прогресс бар екенін өздеріңіз де көріп жүрсіздер.
– «Қайратты жеңемін» деген сөзің бар еді. Ертеңгі матч алдында да сондай мәлімдеме айта аласың ба?
– Футболшы әр ойынға жеңіс үшін шығады. Бельгия болсын, басқа команда болсын – біз әр матчта жеңіске ұмтыламыз.
Айта кетейік, бес турдан кейін «дала қасқырларының» еншісінде үш ұпай бар. Жалғыз жеңіс Лихтенштейнге қарсы тіркелген. Ендігі қарсылас – Бельгия құрамасы. Матч 7 қыркүйекте Брюссельде өтеді.
