Футболдан әлем чемпионаты: 13 маусымдағы ойындар күнтізбесі
Чемпионат мира
Футболдан 2026 жылғы әлем чемпионатының екінші ойын күнінде турнир қожайындарының тағы екеуі жарысқа қосылады, деп хабарлайды Pin-UpSport.kz. Өз алаңындағы әлем біріншілігін Канада мен АҚШ құрамалары бастайды.
Бұған дейін турнирдің ашылу матчында үшінші қожайын ел – Мексика құрамасы өнер көрсетіп үлгерді. Мексикалықтар алғашқы кездесуде Оңтүстік Африка Республикасын 2:0 есебімен жеңді. Енді жанкүйерлер назары өз алаңында өнер көрсететін Канада мен АҚШ құрамаларына ауады.
Қазақстан уақыты бойынша екі кездесу де 13 маусымда өтеді. Түнгі 00:00-де В тобындағы Канада құрамасы Босния және Герцеговинамен кездеседі. Матч Торонтодағы «Бимо Филд» стадионында ұйымдастырылады. Ал таңғы 06:00-де D тобындағы АҚШ құрамасы Парагвайға қарсы алаңға шығады. Бұл ойын Инглвуд қаласындағы «Соу-Фай» аренасында өтеді.
Аталған матчтар Канада мен АҚШ құрамалары үшін ӘЧ-2026 аясындағы алғашқы кездесулер болмақ. Екі ойын да «Qazsport» телеарнасынан тікелей эфирде көрсетіледі. АҚШ, Канада және Мексика қабылдап отырған әлем чемпионаты тарихта алғаш рет 48 құраманың қатысуымен өтіп жатыр.
