Елена Рыбакина Токиодағы турнирді жалғастырудан бас тартты
Елена Рыбакина. Фото: Пресс-служба ФТК
Әлемнің жетінші ракеткасы, қазақстандық теннисші Елена Рыбакина Жапонияның Токио қаласында өтіп жатқан WTA-500 санатындағы турнирдің жартылай финалында ойнаудан бас тартты, деп хабарлайды Pin-UpSport.kz. Спортшының жарысты жалғастыра алмауына арқасындағы жарақат себеп болды.
«Өкінішке қарай, бүгін кортқа шыға алмаймын. Бұл аптада арқа тұсымда ауырсыну сезілді, және мен 100 пайыз дайын емеспін. Жанкүйерлерімнің менің ойынымды көре алмайтынына қатты қапаламын, бірақ келесі жылы қайта кездесеміз деп үміттенемін», — деді Рыбакина WTA ресми сайтына берген сұхбатында.
Жартылай финалда Елена Чехия елінің 17-ракеткасы Линда Носковамен кездесуі тиіс еді. Бұған дейін Рыбакина турнирдің алғашқы екі кезеңінде Лейла Фернандес пен Кэтрин Макналлиді жеңіп, сенімді ойын көрсеткен болатын.
Осылайша, Носкова финалға автоматты түрде өтті. Ал Рыбакина үшін Токио турнирі Эр-Риядта (Сауд Арабиясы) өтетін WTA маусымдық финалы алдындағы соңғы дайындық жарысы болды.
Айбар Рысдаулет
Шұғыла Өмірбек Сербиядағы жастар әлем чемпионатында алтын медаль жеңіп алды
Азат Мақсұм UFC-де үшінші рет жеңілді