Елена Рыбакина Лондондағы турнирдегі алғашқы қарсыласын білді
Қазақстанның бірінші ракеткасы Елена Рыбакина Лондонда өтетін WTA 500 санатындағы The Queen’s Club Championships турнирінің жеребесін білді, деп хабарлайды Pin-UpSport.kz.
Қазақстандық теннисші жарыста бірінші нөмірмен тіркеліп, бәсекені бірден екінші айналымнан бастайды.
Ширек финалға шығу үшін Рыбакина Грекия өкілі Мария Саккари мен іріктеу кезеңінен өткен теннисшілердің бірі арасындағы матч жеңімпазымен кездеседі.
Қазіргі таңда Саккари WTA рейтингінде 49-орында тұр. Лондондағы турнир 8–14 маусым аралығында өтеді және көптеген жетекші теннисшілер үшін Уимблдон алдындағы маңызды дайындық кезеңдерінің бірі саналады.
Елена Рыбакина үшін бұл жарыс «Ролан Гаррос»-2026 турнирінен кейінгі алғашқы дода болмақ. Франция ашық чемпионатында қазақстандық теннисші екінші айналымда украиналық Юлия Стародубцеваға жол беріп, жарысты ерте аяқтаған еді. Енді ол шөп төсенішіндегі маусымды беделді WTA 500 турнирінде бастайды.
