Елена Рыбакина Дохада өтетін WTA 1000 турниріне қатысады
Қазақстандық теннисші Елена Рыбакина Дохада өтетін WTA 1000 санатындағы ірі турнирдің қатысушылар тізіміне енді, деп хабарлайды Pin-UpSport.kz.
Әйелдер теннис қауымдастығы жариялаған мәліметке сәйкес, Рыбакина алдағы жарыста екінші нөмірмен тіркеліп отыр. Бірінші нөмір поляк спортшысы Ига Швёнтекке тиесілі, ал үшінші нөмірді америкалық Аманда Анисимова иеленді.
Qatar TotalEnergies Open 2026 деп аталатын хард жабындысындағы бұл турнир 8–14 ақпан аралығында өтеді және маусымның ең беделді жарыстарының бірі саналады. Турнирдің жүлде қоры 4 088 211 АҚШ долларын құрайды. Өткен маусымда бұл жарыстың чемпионы атанған Аманда Анисимова биыл да басты фавориттердің қатарында. Дохадағы турнир дәстүрлі түрде әлемнің үздік теннисшілерін жинап, рейтинг үшін маңызды ұпайлар сарапқа салынады.
Елена Рыбакина үшін Дохадағы жарыс Australian Open 2026 турниріндегі жеңістен кейінгі алғашқы ресми старт болуы мүмкін. Қазақстандық теннисші бұған дейін де Қатардағы «мыңдықта» табысты өнер көрсеткен. 2024 жылы ол финалға дейін жетіп, шешуші ойында Ига Швёнтекке жол берсе, өткен маусымда ширек финалға дейін барып, тағы да поляк теннисшісіне қарсы кездесуде жеңіліс тапқан.
Дохадағы WTA 1000 турниріне қатысу Рыбакина үшін маусымның келесі кезеңіне дайындық пен рейтингтегі орнын нығайту тұрғысынан маңызды. Егер қазақстандық спортшы жарысты өткізіп алмау жөнінде түпкілікті шешім қабылдаса, бұл турнир оның Australian Open-дағы жеңісінен кейінгі формасын бағалауға мүмкіндік береді. Алдағы күндері теннисшінің қатысуына қатысты нақты шешім белгілі болады.
Айбар Рысдаулет
Марко Ройс «Ақтөбе» клубына ауысуы мүмкін
Әліби Ыдырыс UFC-дегі дебюті алдында допинг-бақылаудан өтті