Эйндховенде өтетін додада қазақ былғары қолғап шеберлері жұдырықтасады
Абылайхан Жусупов. Фото: olympic.kz
6–9 маусым аралығында Нидерландтың Эйндховен қаласында беделді халықаралық Eindhoven Box Cup турнирі өтеді. Бұл жарыста Қазақстанның намысын он боксшы қорғайды. Олардың алғашқы қарсыластары да белгілі болды.
50 келіде Даниял Сабит – Максим Рудикпен (Украина), 55 келіде Махмұд Сабырхан – Максим Зименкомен (Украина), 60 келіде Ерхан Турдан – Расул Гулиевпен (Украина) қолғап түйістіреді.
Сондай-ақ Ертуған Зейнуллинов – Хилаль Салехпен (Швеция), Абылайхан Жүсіпов – Александр Трофимчукпен (Литва), Сабыржан Аққалықов – Орландо Холли-Сотомимен (Уэльс), Ерасыл Жақпеков – Иво Пеллебурмен (Нидерланд), Дәулет Төлемісов – Валерий Вальтер (Германия) немесе Идрис Леганаспен (Бельгия), Сағындық Тоғамбай – Дакай Альбонмен (Босния және Герцеговина), Нұрлан Сапарбай – Мервель Биндамен (Германия) күш сынасады.
Eindhoven Box Cup – жыл сайын өтетін, Еуропадағы ең танымал жарыстардың бірі. Бұл турнирге әр елдің таңдаулы былғары қолғап шеберлері қатысады. Қазақстан боксшылары түрлі салмақ дәрежелерінде жүлдеге таласады.
