Бек Нұрмағанбет Мексикада жұдырықтасады
Бек Нурмаганбет. Фото: Getty Images
Қазақстандық кәсіпқой боксшы Бек Нұрмағанбет келесі кездесуін 12 шілдеде Мексиканың Кулиакан қаласында өткізеді. Ол жергілікті боксшы Хавьер Каррера Тинахеромен жұдырықтасады, деп хабарлайды Pin-UpSport.kz.
BoxRec ресурсының мәліметінше, жекпе-жек жартылай ауыр салмақта өтеді және алты раундқа жоспарланған. Қазақстан уақыты бойынша кездесу 13 шілде күні таңертең өтеді, деп хабарлайды Pin-UpSport.kz. Каррера кәсіби мансабында 15 рет жеңіп, 13 рет жеңілген. Ал Нұрмағанбет 14 кездесуінің бәрінде жеңіске жетіп, 12-сін мерзімінен бұрын аяқтаған.
Бұған дейін, 25 мамыр күні Бек АҚШ-тың Сан-Диего қаласында Карлос Мирандамен (Гондурас) кездесуі тиіс еді, бірақ қарсыласының денсаулығына байланысты жекпе-жек өтпей қалды. Айта кетейік, Бек Нұрмағанбет әлемге танымал мексикалық Сауль «Канело» Альвареспен бір жаттығу лагерінде болып, спарринг өткізген.
