Владислав Васильев «Атырауға» ауысуы мүмкін
Владислав Васильев. Фото: Прессбол
«Атырау» клубының бас директоры Дидар Сыдықбек Беларусь чемпионатында ойнайтын Владислав Васильевтің командаға ауысуы мүмкін екенін айтты. Ол бұл туралы өзінің Telegram арнасында жазды.
«Васильевтің «Атырауға» келуі шешілген мәселе. Ол бала күнгі жақын досымның туған інісі. Сол аяғымен жақсы ойнайтын, қорғаныста да, шабуыл шебінде де, орталықта да өнер көрсете алатын әмбебап футболшы. Құрамаға қайта оралғысы келетінін де жасырмай отыр», – деді Сыдықбек.
Сондай-ақ, басшы Васильевпен жеке хат алмасу скриншотын жариялап, ойыншының «Атырауға» ауысуды басты нұсқа ретінде көріп отырғанын айтты. «Басқа клубтармен келіссөзді тоқтатамын. Мен үшін басты таңдау сіздер», – деп жазды ойыншы.
Биылғы маусымда Васильев «Динамо-Брест» сапында 11 матч өткізіп, бір нәтижелі пас берді. Ол Қазақстан құрамасы үшін 12 ойын өткізген, соңғы рет ұлттық құрама жейдесін 2022 жылдың маусымында киген.
Айбар Рысдаулет
Роналдо «Вальядолидпен» қоштасуға дайын
«Армандағанның айыбы жоқ»: Адамес Жәнібектің жоспарын шындыққа жанаспайтын деп санады