Асу Алмабаев UFC турнирі алдында қарсыласын бағалады
Фото: Zuffa LLC
Қазақстандық UFC файтері Асу Алмабаев алдағы жекпе-жегі туралы пікір білдіріп, қарсыласы Чарльз Джонсонды бағалады, деп хабарлайды Pin-UpSport.kz. Айқас 27 маусым күні Бакуде өтетін турнир аясында ұйымдастырылады.
Алмабаевтың айтуынша, америкалық спортшы оның мансабындағы ең тәжірибелі қарсыластардың бірі. «Чарльз Джонсон – менің ең тәжірибелі қарсыластарымның бірі. Топ-10-ға кіргендердің бәрі онымен жекпе-жек өткізген. UFC бастапқыда маған жақсы мүмкіндік берген еді, бірақ жарақатқа байланысты ол айқас өтпей қалды. Содан кейін маған таңдау берілмеді – „Джонсонмен шығасың“ деді», — деді ол.
Сондай-ақ қазақстандық файтер басқа қарсыласпен кездесуді қалағанын айтты. «Мен Мореноны жеңген файтермен жұдырықтасқым келді және соны сұрадым. Қазір Мореноны жеңген жігіт Ройвалмен кездеседі, ал Киоджи Капемен жекпе-жек өткізеді», — деп қосты Алмабаев.
Бастапқыда ол 1 наурыз күні Мехикода Брэндон Мореноға қарсы шығуы тиіс болған, алайда жарақатқа байланысты жекпе-жек өтпей қалды. Енді оның қарсыласы UFC-дің ең жеңіл салмақ дәрежесінде 15-орында тұрған Чарльз Джонсон болады.
Айбар Рысдаулет
Конор Макгрегор 2026 жылдың жазында октагонға оралуды жоспарлап отыр
Қазақстандық дзюдошылар Азия чемпионатында күміс медальға ие болды