Анна Данилина Токиодағы турнирдің ширек финалына өтті
Анна Данилина. Фото: КФТ
Қазақстандық теннисші Анна Данилина Токиода (Жапония) өтіп жатқан WTA турнирінің жұптық сайысында ширек финалға шықты, деп хабарлайды Pin-UpSport.kz
. Ол сербиялық Александра Круничпен бірге өнер көрсетіп жатыр.
1/8 финалда Данилина мен Крунич Мексикадан келген Джулиана Олмос пен Индонезия өкілі Алдила Сутджиаджиден басым түсті. Кездесу екі сетке созылып, 6:1, 6:3 есебімен аяқталды.
Бұл — Данилинаның биылғы маусымдағы үшінші ширек финалы. Бұған дейін ол Линц пен Остравада өткен турнирлерде де осы кезеңге дейін жеткен болатын.
Келесі айналымда қазақстандық және сербиялық жұпқа АҚШ спортшысы Николь Меликар мен Қытайдан келген Сюй Ифань дуэті қарсылас атанады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
Рафаэль Уразбахтин: «Мұндай ойындар тәжірибе жинауға мүмкіндік береді»«Қайрат» клубының бас бапкері Рафаэль Уразбахтин Чемпиондар лигасының үшінші турындағы «Пафоспен» өткен (0:0) матчты қорытындылады, деп хабарлайды Pin-UpSport.kz . Маман команда ойыншыларының ерік-жігерін атап өтіп, алдағы кездесулерге деген дайындық жайлы пікір білдірді. «Үшінші минутта қарсылас ойыншысы алаңнан қуылғаннан кейін жоспарымыз түгел өзгерді. Бізде допқа иелік ету пайызы жоғары болды, бірақ соққыларды голға айналдыру жетіспеді. Қарсыластың қақпасына көп соққы жасағанымызбен, нәтиже шығара алмадық», — деді Уразбахтин. Бапкер Темірлан Анарбековтің ойынына да баға берді: «Темірланның қайта оралғанына қуаныштымыз. Бір сәтте ол команданы аман алып қалды. Сол эпизодта тағы жарақат алып қала ма деп қорықтық, бірақ бәрі жақсы». Сондай-ақ ол қорғаушы Александр Заруцкийдің дайындығы туралы айтты: «Ол жаттығу процесіне қосылды, бүгін құрамда болды. Жақын күндері алаңда көреміз». Уразбахтин команда енді толық назарын КПЛ-дің шешуші матчы — «Астанаға» қарсы ойынға аударатынын айтты. «Жігіттер сәл көңілсіз, өйткені екі тайм бойы басымдық бізде болды. Бірақ өмір жалғасады. Алдымызда маусымның ең маңызды ойыны — „Астанаға“ қарсы матч. Чемпиондықты қорғауға дайынбыз», — деді ол. Алдағы турда алматылықтарды жаңа сынақ күтіп тұр — 6 қарашаға қараған түні олар Миланда әйгілі «Джузеппе Меацца» стадионында «Интерге» қарсы ойнайды.Келесі мақала:
Лионель Месси МЛС тарихында жаңа рекорд орнатты