Анна Данилина Истборн турнирінің жеңімпазы атанды
Фото: Getty Images
Қазақстанның теннисшісі Анна Данилина Англияның Истборн қаласында өткен WTA 250 санатындағы турнирде жұптық сында топ жарды, деп хабарлайды Pin-Upsport.kz.
Ол чехиялық әріптесі Мария Боузковамен бірге Се Шувэй (Қытай) мен Майя Джойнт жұбын 6:4, 7:5 есебімен жеңіп шықты. Финалдық матч 1 сағат 23 минутқа созылып, Данилина мен Боузкова үш эйс жасап, бір қос қателік жіберді және 13 брейк-пойнттың бесеуін тиімді пайдаланды.
Бұл жеңіс қос спортшыға WTA рейтингінде 250 ұпай алып келді. Жаңартылған рейтинг нәтижесі бойынша Анна әлемнің үздік сегіз теннисшісінің қатарына енеді.
Айта кетейік, бұл Данилинаның қатарынан төртінші финалы. Бұған дейін ол «Ролан Гаррос», Лондон және Ноттингем турнирлерінде шешуші кезеңге дейін жеткен.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
Тимур Серікұлы Naiza лигасында чемпион атандыКелесі мақала:
Резников ACA 188 турнирінде Шайхаевқа есе жіберді