Анна Данилина теннистен Australian Open-2026 турнирінің финалына шығу үшін бақ сынайды
Фото: VCG
Теннистен Қазақстан құрамасының өкілі Анна Данилина Мельбурнде (Аустралия) өтіп жатқан Australian Open-2026 турнирінің ширек финалында жеңіске жетті.
Отандасымыз дүбірлі додада жұптық сайыста сәтті өнер көрсетуде. Анна Данилина Сербия өкілі Александра Круничпен бірге чемпиондық атақ үшін таласуда.
Жартылай финалға жолдама алу үшін өткен кездесуде Данилина мен Крунич чехиялық Катерина Синякова мен АҚШ спортшысы Тейлор Таунсендтен құралған жұпты 6:2, 3:6, 6:0 есебімен жеңді.
Айта кетейік, бұған дейін жекелей сында Елена Рыбакина да турнирдің жартылай финалына жолдама алған болатын.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
Теннисші Елена Рыбакина әлемнің екінші ракеткасын жеңіп, Australian Open турнирінің жартылай финалына өттіКелесі мақала:
«Қайсар» «Челсидің» бұрынғы қорғаушысымен келіссөздер жүргізіп жатыр