Әли Әлиев Қазақстан құрамасының бас бапкері атанды
Али Алиев. Фото: PA Images via Getty Images
Қазақстан құрамасының тізгіні ресми түрде Әли Әлиевке берілді. Бұл жаңалықты Қазақстан футбол федерациясы президентінің кеңесшісі Нұрсұлтан Құрман өзінің YouTube-арнасында жариялады.
Әлиев бұған дейін ұлттық құраманың уақытша бас бапкері ретінде жұмыс істеп келген. Оның жетекшілігімен құрама 2026 жылғы әлем чемпионатының іріктеу кезеңін бастап кетті: Уэльспен кездесуде 1:3 есебімен жеңіліп, Лихтенштейнді 2:0 есебімен ұтты.
Айта кетейік, Әлиев бұл қызметке 2025 жылдың қаңтар айында тағайындалған еді. Ол Станислав Черчесовтың орнына келді. Енді ол ресми түрде ұлттық команданың бас бапкері ретінде жұмысын жалғастырады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
Чемпиондар лигасының жартылай финалистері анықталдыКелесі мақала:
Қазақстан Кубогының финалы Қызылордада өтеді