Қазақстан Кубогының финалы Қызылордада өтеді
Новый стадион в Кызылорде.
Футболдан 2025 жылғы Қазақстан Кубогының финалдық ойыны Қызылордада жаңадан бой көтеріп жатқан стадионда өтеді. Бұл туралы кәсіпқой клубтар арасындағы турнирлер дирекциясының жетекшісі Бақытжан Пазылхайыр Nursultan Qurman подкастында айтты.
Оның сөзінше, финалды облыстарда өткізу туралы ұсыныс ҚФФ президентіне жеткізілгеннен кейін, федерация жаңадан салынып жатқан стадиондарды анықтап, өңірлерді зерттей бастаған. Сол тізімде Қызылорда да бар.
Пазылхайырдың айтуынша, ол жақында Қызылордаға арнайы барып, облыс әкімдігімен кездесу өткізген. Әкімдік өкілдері стадионның дайын болатынын және финалға барлық жағдай жасалатынын жеткізген. Жаңа арена 11 мың жанкүйерге арналған және мамыр айының соңында пайдалануға беріледі.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
