Абиба Әбужақынова дзюдодан әлемдік тарих жазды
Абиба Абужакынова. Фото: Olympic.kz
Қазақстандық дзюдошы Абиба Әбужақынова Будапештте (Венгрия) өтіп жатқан әлем чемпионатында күміс медаль жеңіп алды, деп хабарлайды Pin-Upsport.kz.
48 келіге дейінгі салмақта финалға дейін жеткен Әбужақынова шешуші белдесуде италиялық Ассунта Скуттомен татамиге шықты. 23 жастағы Скутто кездесу барысында жеңісті мерзімінен бұрын жұлып алды. Осылайша ол бұған дейінгі екі қола және бір күміс медаліне әлем чемпионатының алтынын қосты.
Айта кетейік, Абиба Әбужақынова – дзюдодан әлем чемпионатының финалына шыққан алғашқы қазақ қызы. Оның қоржынында енді әлем біріншілігінің үш медалі бар: бұған дейін ол екі рет үшінші орын алған.
Сондай-ақ бүгін, 13 маусым күні, 60 келіге дейінгі салмақта сынға түскен Мағжан Шамшадин де жүлдеге жақын болғанымен, жұбаныш белдесуінде венгриялық Мартон Андрашиге жол берді.
Айбар Рысдаулет
Өзбекстан құрамасы Аргентинамен жолдастық матч өткізеді
Қырғызбаевты Олимпиада жүлдегері тоқтатты