17 жастағы Дастан Сатпаев «Интерге» қарсы ойынымен Еуропаны таңғалдырды
ФК Кайрат
«Интерден» 1:2 есебімен жеңілгеніне қарамастан, сарапшылар «Қайрат» шабуылшысы Дастан Сатпаевтың керемет ойынын ерекше атап өтті, деп хабарлайды Pin-UpSport.kz.
X-платформадағы Chelsea Loan Army парақшасы жас шабуылшының «Интерге» қарсы кездесуіндегі толық статистикасын жариялады. 17 жастағы ойыншы 29 пастың 25-ін дәл жеткізіп, төрт кросстың үшеуін сәтті орындады. Сондай-ақ үш рет қарсыласын алдап өтті және 11 жекпе-жектің жетеуінде жеңіске жетті.
Сатпаевтың ең әсерлі сәттерінің бірі — оның соққысы қақпа маңдайшасына тиіп, алаңдағы ең қауіпті эпизодтардың біріне айналды. Оның ойынына италиялық жетекші басылымдар жоғары баға берді.
Айта кетейік, Дастан Сатпаев Transfermarkt порталының мәліметінше, Қазақстан Премьер-лигасының ең қымбат ойыншысы саналады. Оның нарықтық құны — 3 миллион еуро.
Айбар Рысдаулет
Туризм және спорт министрлігі: федерациялар бюджет қаржысын алмайды және өз бетінше жұмыс істейді
Елена Рыбакина Эр-Риядтағы WTA қорытынды турнирінің финалына шықты