Қазақстандық қос боксшы әлем чемпионатының финалына жолдама алды
Фото: Sportsfile
Ливерпульде (Англия) өтіп жатқан 2025 жылғы әлем чемпионатының финалдық жекпе-жектері белгілі болды, деп хабарлайды Pin-UpSport.kz.
Қорытынды кезеңде Қазақстаннан екі боксшы бақ сынайды. Суперауыр салмақта (90+ кг) Айбек Оралбай өзбекстандық Жахонгир Зокировпен жұдырықтасса, әйелдер арасында 65 кг салмақта Аида Әбікеева тағы бір өзбек боксшысы Навбахор Хамидовамен кездеседі.
Жалпы финалда сегіз жекпе-жек өтеді. Ерлер арасында: 60 кг — Абдумалик Халоков (Өзбекстан) пен Луис Габриэл де Оливейра (Бразилия), 75 кг — Рами Киван (Болгария) мен Фазлиддин Эркинбоев (Өзбекстан), 90 кг — Исаяс Сантос Рибейро Фильо (Бразилия) мен Турабек Хабибуллаев (Өзбекстан).
Әйелдер арасында финалға шыққандар: 57 кг — Юлия Шеремета (Польша) мен Жасмин (Үндістан), 60 кг — Ребека Де Лима Сантос (Бразилия) мен Анета Рыгельска (Польша), 80 кг-нан жоғары — Нупур (Үндістан) мен Агата Качмарска (Польша).
