Бек Нұрмағанбет келесі жекпе-жегін 10 қыркүйекте Лас-Вегаста өткізеді
Бек Нурмаганбет. Фото: Getty Images
Қазақстандық екінші орта салмақтағы боксшы Бек Нұрмағанбет рингке оралатын күнін нақтылады, деп хабарлайды Pin-UpSport.kz.
BoxRec.com мәліметінше, оның келесі жекпе-жегі 10 қыркүйекте АҚШ-тың Невада штатындағы Лас-Вегас қаласында өтеді. Қарсыласы — рекорды 11 жеңіс, 1 тең және 1 жеңіліс (9 нокаут) көрсеткішіне ие америкалық Стивен Самптер. Кездесу он раундқа жоспарланған.
Бек соңғы рет 5 сәуірде Филадельфияда рингке шығып, бірінші раундта костарикалық Энкарнасьон Диасты техникалық нокаутпен жеңген болатын. Қазіргі уақытта ол АҚШ-та абсолютті чемпион Сауль «Канело» Альвареспен бір залда жаттығып, оның спарринг-серіктесі ретінде дайындалып жүр. Ал Самптер соңғы жекпе-жегінде, 10 мамырда Машантакетте, колумбиялық Ханер Гонсалесті техникалық нокаутпен жеңіп, WBC USA Silver белбеуін иеленген.
