Алмаханға қарсы жекпе-жек – Топурия үшін маңызды сынақ
Бекзат Алмахан. Фото: Alamy Live News
Бокс пен ММА тақырыбында жазатын испантілді TotalPelea парақшасы Бекзат Алмаханға қарсы алдағы жекпе-жек Грузия тумасы, Испанияда тұратын Александр Топурия үшін үлкен сынақ болатынын мәлімдеді, деп хабарлайды Pin-UpSport.kz.
Алмахан мен Топурия арасындағы кездесу 22 қарашада Катардың Доха қаласында өтетін UFC турнирінде өтеді. Александр — жеңіл салмақтағы UFC чемпионы әрі P4P рейтингінің көшбасшысы Илия Топурияның туған ағасы.
«Александр Топурия дебютінде жақсы өнер көрсетті және әлеуеті бар. Алайда 29 жасында және оннан аз кәсіби жекпе-жек (6-1-0) өткізгеніне қарамастан, оның деңгейіне қатысты күмәнім бар. Бекзат Алмаханға қарсы кездесу көп нәрсені көрсетеді: қазақстандық өте мықты және алғашқы жекпе-жегінде-ақ Умар Нұрмагомедовке қарсы сенімді өнер көрсетті», – делінген жазбада.
