Қазақстандық боксшылардың WBC-дегі рейтингі жаңартты
Мейирим Нурсултанов
Бүкіләлемдік бокс кеңесі (WBC) барлық салмақ дәрежелері бойынша жаңартылған рейтингін жариялады, деп хабарлайды Pin-UpSport.kz.
Ауыр салмақта жұдырықтасатын Иван Дычко екі орынға төмен түсіп, 34-орынға тұрақтады. Екінші орта салмақта Бек Нұрмағамбет төрт сатыға жоғарылап, үздік он бестікке енді. Ол 15-орынға жайғасты. Ал Әли Ахмедов бір саты төмендеп, 29-орынға түсті.
Орта салмақтағы Мейірім Нұрсұлтанов рейтинг көшін бастап тұр. Ол — әлем чемпионы Карлос Адамеске басты үміткер. Бірінші орта салмақта Садриддин Ахмедов 32-орыннан 33-орынға сырғыды.
Жартылай орта салмақтағы Данияр Елеусінов 30-орында қалды. Бірінші жартылай орта салмақта Батыр Жүкембаев 29-орыннан 32-орынға түсті. Ал Сұлтан Заурбек екінші жартылай жеңіл салмақта 18-орында, бұған дейін ол 16-сатыда болған.
