Уимблдон-2025 турнирінің жүлде қоры жарияланды
Фото: Пресс-служба ФТК
2025 жылғы Уимблдон турнирінің әйелдер арасындағы жеке сындағы жүлде қоры белгілі болды, деп хабарлайды Pin-UpSport.kz.
Чемпион атағын жеңіп алған спортшы 3 510 000 еуро мен 2000 рейтинг ұпайын иеленеді. Финалда жеңілген теннисші 1 778 400 еуро мен 1300 ұпайға ие болады. Жартылай финалға жеткендерге 906 750 еуро және 780 ұпай, ал ширек финалға шыққандарға 468 000 еуро мен 430 ұпай беріледі.
1/8 финалға өткендерге 280 800 еуро мен 240 ұпай, үшінші кезеңде ойнағандарға 177 840 еуро мен 130 ұпай, екінші кезең үшін 115 830 еуро мен 70 ұпай, ал алғашқы раундта өнер көрсеткендерге 77 220 еуро мен 10 ұпайдан тиесілі.
Мамандар бұл турнирдің басты фавориттерінің бірі ретінде Қазақстанның бірінші ракеткасы Елена Рыбакинаны атап отыр. Ол 2022 жылы Уимблдонда жеңіске жеткен еді.
