Жәнібек Адамеске үн қатты: «Маған сен емес, белдігің керек»
Фото: janibek_alimkhanuly/Instagram
Орта салмақта IBF және WBO нұсқалары бойынша әлем чемпионы Жәнібек Әлімханұлы WBA белдігінің иегері Карлос Адамеске ашық түрде жекпе-жекке шақыру тастады, деп хабарлайды Pin-Upsport.kz.
«Карлос, менен қорықпа! Жекпе-жектен қашпа! Уайымдама – мен сені қинамаймын. Бар болғаны, сен не болғанын түсінбей жатып-ақ, сені нокаутқа жіберемін. Сен маған жау емессің. Маған керегі – сенің белдігің ғана!» – деп жазды Жәнібек әлеуметтік желіде.
Источник: @qazaqstyle/Х
Әлімханұлы соңғы рет 5 сәуірде Астанада шаршы алаңға шығып, француз Анауэль Нгамиссенгені бесінші раундта нокаутқа жіберіп, екі белдігін де қорғап қалған.
Карлос Адамес болса, 22 ақпанда Хамза Ширазбен өткен айқаста тең нәтижеге қол жеткізіп, WBA тұжырымы бойынша чемпионы атағын сақтап қалды.
Айбар Рысдаулет
Жәнібектің нокауты үздік ондыққа енді
Виктор Теміров тағы да рингте үстем түсті