Василий Ломаченко кәсіпқой бокстағы мансабын аяқтады
Фото: Getty Images
Үш салмақта әлем чемпионы атанған украиналық боксшы Василий Ломаченко (18–3, 12 KO) кәсіби мансабын аяқтағанын жариялады.
Әлеуметтік желіде жариялаған жазбасында ол Жаратқанға алғысын айтып, өз жолындағы жеңістер мен жеңілістерден сабақ алғанын жеткізді. Сонымен қатар, ол әрдайым жанынан табылған әкесі мен отбасына ерекше ризашылығын білдірді.
«Боксшы өмірінде қолғапты шегеге ілетін сәт туады. Сол күн бізге де келді. Рингтегі емес, ішкі адаммен күрес – нағыз жеңіс. Ақыры соған көз жетті», – деді Ломаченко.
Ол өміріндегі ең үлкен тірегі – отбасына алғыс білдіріп, олардың қолдауы әрдайым өзіне күш бергенін айтты. «Жеңілістер де бізді шыңдады», – деп түйіндеді боксшы.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
