Борисовтағы сәтсіз ойын: Қазақстан құрамасы Беларуське есе жіберді
Фото: КФФ
5 маусым күні Борисов қаласында өткен жолдастық кездесуде Қазақстан құрамасы Беларусь командасынан 1:4 есебімен жеңілді.
Ойын тізгінін бірден қолға алған алаң иелері Громыко, Бочеров, Мельниченко мен Шикавканың голдарымен айқын басымдық көрсетті. Қазақстан құрамасынан жалғыз голды 74-минутта Ғалымжан Кенжебек соқты. Оған пас берген – Наурызбек Жағоров.
Келесі матчта ұлттық құрама 9 маусым күні Солтүстік Македонияға қарсы ойнайды. Әлем чемпионатына іріктеу аясындағы бұл ойын елордадағы «Астана Аренада» өтеді. Басталуы – 19:00.
Жолдастық кездесуде Қазақстан құрамасы сапынан жалғыз ескерту алған ойыншы – 83-минутта алаңға шыққан Жұмаханов.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
