Бекзат Алмаханның нокауты UFC-де мамыр айының үздігі атанды
Фото: MMA Junkie
Қазақстандық жеңіл салмақтағы файтер Бекзат Алмаханның жеңісі UFC ұйымында айдың ең үздік нокауты ретінде танылды.
11 мамыр күні Монреальда өткен UFC 315 турнирінде 27 жастағы алматылық спортшы жергілікті Брэд Катонамен айқасты. Бекзат бар болғаны 64 секундта қарсыласын апперкотпен сұлатып түсіріп, кештің ашылу жекпе-жегін жарқын жеңіспен аяқтады.
«Бұл өте сәтті және әдемі орындалған соққы болды. Алмахан қарсыластың таймингін бірден сезіп, соққыларын нақты бағыттай бастады. Катона қорғанысты сәл түсірген сәтте, Бекзат оң қолымен дәл апперкот жасады», — деп жазды UFC-дің ресми сайты.
Сондай-ақ, ұйым өкілдері Бекзаттың болашағы зор екенін айтып, оны дивизиондағы жасырын фавориттердің бірі ретінде атап өтті. Алмахан UFC-дегі дебютінде Умар Нурмагомедовпен қысқа дайындықпен шыққан болатын. Сол кезде де ол қарсыласын нокдаунға түсіріп, өз әлеуетін көрсеткен еді.
Айбар Рысдаулет
Пакьяо қайта оралады: 46 жастағы аңыз чемпионмен жекпе-жек өткізеді
Әли Әлиев: «Жігіттер ел үшін соңына дейін ойнауы керек»