Бек Нұрмағанбеттің АҚШ-тағы жекпе-жегі соңғы сәтте өтпей қалды
Бек Нурмаганбет. Фото: Getty Images
Қазақстандық кәсіпқой боксшы Бек Нұрмағанбет (14-0, 12 KO) 25 мамыр күні Калифорния штатының Сан-Диего қаласында рингке шығуы керек еді. Қарсыласы — Гондурастан келген Карлос Фидель Гуйти Миранда (7-2, 3 KO) болатын.
Алайда Бек Instagram парақшасында жекпе-жек өтпейтінін хабарлады. Себеп — қарсыласы медициналық тексерістен өте алмаған. Қайта өткізілетін-өткізілмейтіні әзірге белгісіз.
Нұрмағанбет соңғы рет 5 сәуірде Филадельфияда жұдырықтасып, Коста-Рикадан келген Энкарнасьон Диасты (20-6, 11 KO) бірінші раундта-ақ нокаутқа жіберген болатын. Айта кетейік, Бек қазір АҚШ-та Сауль «Канело» Альвареспен бір залда жаттығып жүр.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
