Қоштасар сәт келді: Лука Модрич «Реалдан» кететінін мәлімдеді
Фото: France 24
Аңызға айналған хорват жартылай қорғаушысы Лука Модрич мадридтік «Реалмен» қоштасатынын ресми түрде жариялады. Клубтың баспасөз қызметі ойыншыға алғысын білдіріп: «Рақмет, Лука» деген жазба жариялады.
«Бұл сәттің болғанын қаламадым, бірақ бұл – футбол. Сенбі күні “Сантьяго Бернабеудегі” соңғы ойынымды өткіземін», – деді Модрич.
Ол сондай-ақ клубқа алғысын білдіріп: «“Реал” үшін ойнау менің өмірімді түбегейлі өзгертті. Осы ұлы клуб тарихындағы ең табысты кезеңнің бір бөлігі болғаныма мақтанамын», – деп ағынан жарылды.
Лука Модрич 2012 жылдан бері «Реал» сапында өнер көрсетті. Оған дейін ол «Тоттенхэм», «Интер» Запрешич, «Зриньски» және Загребтің «Динамо» клубтарында ойнаған.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
41 жылдан кейінгі қуаныш: «Тоттенхэм» Еуропа лигасын жеңіп алдыКелесі мақала:
Бек Нұрмағанбеттің АҚШ-тағы жекпе-жегі соңғы сәтте өтпей қалды