Бублик рейтингте жоғарылады, Синнер көш бастап тұр
Александр Бублик. Фото: Getty Images
Кәсіпқой теннисшілер қауымдастығы (ATP) жаңартылған рейтингті жариялады. Жоғарғы сатыда италиялық Янник Синнер қалып отыр — ол Римдегі финалда жеңілсе де, көш басынан түскен жоқ. Сол турнирдің жеңімпазы Карлос Алькарас екінші орынға көтерілсе, Александр Зверев үшінші орынға ығысты.
Қазақстандық теннисшілер арасындағы үздік нәтиже Александр Бубликке тиесілі. Туринде өткен челленджер турнирінде топ жарған ол бірден 25 саты жоғарылап, 51-орынға жайғасты. Александр Шевченко – 97-ші орында. Михаил Кукушкин 163-ші, ал оның ізін ала 164-ші болып Дмитрий Попко тұр. Тимофей Скатов 10 орын төмендеп, 191-сатыға түсті.
Жұптық сында көш бастап тұрғандар – Марсело Аревало (Сальвадор) мен Мате Павич (Хорватия). Үшінші орында финн Харри Хелиоваара. Қазақстандық Александр Недовесов 14 орынға сырғып, 135-орынға тұрақтады.
Айбар Рысдаулет
Александр Бублик Туриндегі Челленджерде топ жарды
Елхан Табынбаев 6 маусым күні шаршы алаңға оралады