«Қайрат» үнемдесе, «Ақтөбе» шашып жатыр: клубтар үкіметтен қанша қаржы алды?
Фото: Ақтөбе ФК
2025 жылы Қазақстан Премьер-лигасындағы клубтарға жергілікті бюджеттен 23,44 млрд теңге бөлінген. Бұл туралы Telegram-дағы «Дядя Ваня» арнасы хабарлады.
Қаржыландыру көлемі бойынша көш басында – «Ақтөбе». Клубқа 4,2 млрд теңге берілген, оның ішінде 1 млрд-тан астамы Еурокубок ойындарына арналған. Екінші орында – «Ордабасы» (3,5 млрд), ал үздік үштікті «Елімай» (2,7 млрд) түйіндеп тұр. Бұл қаржыға негізгі құраммен қоса, әйелдер және жастар футболын дамыту шығындары да кіреді.
Турнир кестесінде топ бастап тұрған «Қайрат» керісінше – ең аз қаржы алған клуб. Алматы ұжымына 750 млн теңге ғана бөлініп, ол толықтай жастар футболына бағытталған. Айта кетейік, «Астана» бұл тізімде жоқ. Себебі елордалық клубты туризм және спорт индустриясын қолдау қоры қаржыландырады – соңғы төрт жылда 24,6 млрд теңге алған.
Айбар Рысдаулет
Футзалдан 2026 жылғы Еуропа чемпионаты Қазақстанда өтуі мүмкін
«Ролан Гарросқа» 9 қазақ теннисшісі барады