Үлкен дулығадағы үздік нәтиже: қазақ дзюдошылары тоғыз медаль жеңіп алды
Qazaqstan Barysy Grand Slam. Фото: kazsports.kz
Астанада Qazaqstan Barysy Grand Slam 2025 халықаралық турнирі аяқталды. Жақсылық Үшкемпіров атындағы «Жекпе-жек» сарайында өткен жарысқа 44 елден 358 балуан қатысып, 14 салмақта күш сынасты.
Қазақстан құрамасы 3 күміс пен 6 қола медаль жеңіп алып, жалпы есепте тоғызыншы орынға тұрақтады. Бұл — еліміздің Grand Slam жарыстарындағы ең үздік көрсеткіші. Күміс медальдар Ғұсман Қырғызбаев (-66 кг), Ерасыл Қажыбаев (+100 кг) пен Талғат Орынбасардың (-60 кг) еншісінде.
Ал Мағжан Шамшадин, Аман Бақытжан (екеуі де –60 кг), Абылайхан Жұбаназар (–81 кг), Есет Қуанов (–73 кг), Бақжан Байтас пен Марат Байқамұров (екеуі де –100 кг) қола жүлдегер атанды.
Медаль кестесінде 3 алтын, 2 күміспен IJF құрамасы көш бастаса, Оңтүстік Корея құрамасы (3 алтын) екінші, Жапония (2 алтын, 4 күміс, 1 қола) үшінші орыннан көрінді. Бұл турнир дзюдошылар үшін әлем чемпионаты алдындағы соңғы Grand Slam кезеңі саналады. Жарыс жеңімпаздары IJF ережесіне сәйкес рейтингтік ұпайларға ие болды. Қазақстан бұл доданы 2026 жылға дейін қабылдайды.
Айбар Рысдаулет
Руслан Курбанов Боготада күміс медаль еншіледі
Бек Нұрмағанбет Сан-Диегода жұдырықтасады