Рай Сейтжанов Лондонда дебют жасайды: келесі жекпе-жегінің күні белгілі болды
Рай Сейтжанов. Фото: Tapology
Қазақстандық кәсіпқой боксшы Рай Сейтжанов (11-1, 7 KO) келесі жекпе-жегінің қай күні өтетінін анықтап қойды. BoxRec.com мәліметінше, ол 25 мамырда Лондонда өтетін бокс кешінде шаршы алаңға шығады. Қарсыласы кім болатыны әзірге жарияланған жоқ, ал кешті DAZN платформасы көрсетеді.
Естеріңізде болса, Сейтжанов соңғы рет 2023 жылдың 13 желтоқсанында Мәскеуде жұдырықтасып, ресейлік Вадим Мусаевты (12-0, 8 KO) бесінші раундта техникалық нокаутпен жеңген болатын.
Айта кетейік, бұл алдағы кездесу Рай үшін Туманды Альбиондағы алғашқы жекпе-жек болмақ. Бұған дейін ол Қазақстаннан тыс тек Мәскеуде ғана өнер көрсеткен.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
