Дензел Бентли Жәнібек Әлімханұлын «Уэмблиде» реваншқа шақырды
Жанибек Алимханулы. Фото: Boxing News 24
Орта салмақтағы WBO рейтингінің көшбасшысы, британдық боксшы Дензел Бентли қазақстандық әлем чемпионы Жәнібек Әлімханұлымен реванш өткізгісі келетінін мәлімдеді.
Еске салайық, екі боксшы 2022 жылдың қарашасында кездесіп, ол жекпе-жекте Жәнібек төрешілердің шешімімен жеңіске жеткен болатын. Содан бері Бентли қайта жұдырықтасуға ниет білдіріп келген. Енді ол нақты ұсынысын айтты – 19 шілде күні Лондонда, «Уэмбли» стадионында өтетін Усик пен Дюбуа арасындағы бокс кешінде.
Бентлидің айтуынша, бәрі WBO шешіміне байланысты: ұйым оны міндетті үміткер етіп тағайындай ма, әлде промоутерлер келіссөздерді бастай ма.
«Бұл үлкен кеш болар еді. Жәнібек бұған дейін өз елінде жұдырықтасты, енді менің алаңымда өнер көрсетуіне тамаша мүмкіндік», – деді британдық боксшы.
Айбар Рысдаулет
Армат Арманұлы Таиландта қарсыласын тағы нокаутпен ұтты
Хави Эрнандес Сауд Арабиясына бара ма? «Аль-Хиляль» жаңа бапкер іздеуде