УЕФА «Кайраттың» Чемпиондар лигасындағы жолын ерекше атап өтті
Фото: Новое Поколение
Еуропа футбол қауымдастықтары одағы (УЕФА) өзінің ресми сайтында футзалдан Чемпиондар лигасының жартылай финалындағы «Қайрат» пен Испанияның «Картахена» клубы арасындағы ойын туралы пікір білдірді. Ұйым мәліметінше, алматылық клуб төрт жылдық үзілістен кейін финалдық төрттікке оралып, 2015 жылдан бері қол жеткізе алмай келе жатқан үшінші титулына ұмтылуда.
УЕФА 2021 жылы «Барселонадан» жартылай финалда жеңілген құрамнан тек Эдсон, Біржан Оразов, Нарун Серіков пен Дәурен Турсағұлов қалғанын атап өтті. Сондай-ақ, Деннис Кавальканти көп жыл бойы Игита атқарған қақпашы-ойынқұрастырушы рөлін өз қолына алған. Финалдық кезеңге дейінгі жолда «Қайрат» алты матчтың бәрінде жеңіске жетіп, «Спортинг» пен Игита өнер көрсететін «Семей» секілді мықты қарсыластарды тізе бүктірді.
Сонымен қатар, УЕФА қазіргі бас бапкер Марлон Веласконың 2023 жылы команданы қабылдағанын еске салды. Бұған дейін ол Испания чемпионатында «Нойя» клубымен «Картахенаға» екі рет жол берген болатын.
Айбар Рысдаулет
Жанкүйерлер Канелодан Головкинмен қарымта жекпе-жекті талап етті
УЕФА талаптары: Еуропа чемпионатын өткізуге Алматы дайын