Шымбергенов ұлттық құрамадан уақытша тыс қалды
Фото: gov.kz
Қазақстан құрамасының бас бапкері Қайрат Сатжанов Асланбек Шымбергеновтің жағдайы туралы айтып берді. Оның сөзінше, спортшы қазіргі таңда жаттығуды қайта бастаған.
«Асланбек қазір аздап жаттығып жатыр. Ол күзде өтетін Қазақстан чемпионатына қатысуы керек. Егер жүлдеге іліксе, ұлттық құрамаға қайта қосылады», – деді Сатжанов «Спорт Министі» арнасына берген сұхбатында.
Қазіргі таңда Шымбергенов құраманың қатарында жоқ, сол себепті 2025 жылғы оқу-жаттығу жиындарына қатыспайды. Алайда бапкердің айтуынша, ол туған өңірінде өтетін шағын жарыстарға қатысып жүр.
Айта кетейік, Асланбек – 2023 жылғы әлем чемпионы, 2022 жылғы Азия чемпионы, екі дүркін ел чемпионы. 2024 жылғы Париж Олимпиадасында ұлттық құраманың капитаны болған, бірақ жарысты алғашқы жекпе-жегінде аяқтаған еді.
