Нұрсұлтанов пен Әлімханұлы жекпе-жек өткізуі мүмкін бе? Бір ғана шарт бар
Жанибек Алимханулы. Фото: Getty Images
Әзірге жеңіліп көрмеген орта салмақтағы қазақстандық боксшы Мейірім Нұрсұлтанов (20-0, 11 KO) отандасы Жәнібек Әлімханұлымен (17-0, 12 KO) рингке шығуы мүмкін екенін жоққа шығармайды. Бірақ бұл жекпе-жек үшін алдымен бір маңызды талап орындалуы тиіс.
«Әрбір кәсіпқой боксшының арманы – абсолют чемпион атану. Мен де соның бірі болғым келеді. Егер жолымыз түйісіп жатса, Жәнібекпен жұдырықтасуға дайынмын. Естігенім – ол да қарсы емес. Бірақ алдымен чемпиондық белбеуді иеленуім керек», – деді ол Sportnews.kz сайтына берген сұхбатында.
Айта кетейік, Мейірім Нұрсұлтанов енді WBC нұсқасы бойынша әлем чемпионы атағы үшін басты үміткер атанды. Ол Доминикан Республикасы өкілі Карлос Адамеспен (24-1-1, 18 KO) күш сынасады деп күтілуде.
Егер Мейірім бұл белбеуді жеңіп алса, Әлімханұлымен болатын айқас – титул біріктіру жекпе-жегіне айналып, қазақ боксы тарихына енуі әбден мүмкін.
Айбар Рысдаулет
Мессидің Майамидегі мұрты бұзылар емес: Игуаинның рекордын жаңартты
Райымқұлов Еуропада алтын алып, елге абыроймен оралды