Астанадағы айқас: үш қазақ боксшысы – үш титул
Султан Заурбек. Фото: ©instagram.com/sultanzaurbek
5 сәуір күні Астанада өтетін кәсіби бокс кешінде үш бірдей қазақстандық боксшы маңызды белбеу үшін жұдырықтасады. Бұл туралы WBA (Бүкіләлемдік бокс қауымдастығы) ресми хабарлады.
«Қазақ патшасы» деген лақап аты бар Сұлтан Заурбек оңтүстікафрикалық Азинго Фузилемен қолғап түйістіреді. Бұл жекпе-жекте екінші жартылай жеңіл салмақтағы WBA Continental белбеуі сарапқа салынады.
Ал Батыржан Жүкембаев бірінші жартылай орта салмақта WBA Continental Gold титулын сарапқа салады. Оның қарсыласы — Ұлыбританиялық боксшы Кейн Гарднер.
Кештің басты жекпе-жегі — орта салмақтағы WBO және IBF нұсқалары бойынша әлем чемпионы Жәнібек Әлімханұлы мен жеңіліп көрмеген француз Ануаэль Нгамиссенге арасындағы кездесу болмақ.
Айбар Рысдаулет
Жәнібек пен Төрехан таразыдан сүрінбей өтті – Астанадағы үлкен айқасқа бәрі дайын
«Атлетикоға» ымдағаны үшін «Реал» ойыншылары жазаға тартылды