Жәнібек Әлімханұлы жаңа бапкермен дайындалып жатыр
Жанибек Алимханулы
Орта салмақта IBF және WBO тұжырымдары бойынша әлем чемпионы Жәнібек Әлімханұлы (16-0, 11 КО) 5 сәуір күні Астанада өтетін жекпе-жекке қызу дайындық жүргізуде. Оның қарсыласы – Франциядан келген Анауэль Нгамиссенге (14-0, 9 КО) есімді жеңіліп көрмеген боксшы.
Бұл жекпе-жек алдында Жәнібек бапкер ауыстыруға шешім қабылдады. Бұған дейін Брайан Вилория мен Бадди Макгирттің қарамағында жаттыққан ол енді Марко Контрерастың қол астында дайындалуда.
«5 сәуірге мықты дайындалып жатырмын. Бапкерді ауыстырған себебім – мексикалық стильді үйреніп көру. Бокста бір орында тұруға болмайды, егер тоқтап қалсаң – жеңілесің», – деді Жәнібек.
Айта кетейік, бұл жекпе-жек Жәнібектің 2017 жылдан бері Қазақстанда өткізетін алғашқы айқасы болмақ. Ол бұған дейін елде екі рет ғана кәсіпқой рингке шығып, алғашқы жекпе-жектерін Алматы мен Астанада өткізген.
Айбар Рысдаулет
Асхат Тағыберген «Ордабасыда» қанша жалақы алады?
Назым Қызайбай қазақ боксының тарихына өз атын жазды