Сакен Бибосынов кәсіби боксқа ауысу жайлы: «Әзірге әуесқой бокстамын»
Сакен Бибосынов
Қазақстандық боксшы Сакен Бибосынов «Aqyrys Seitqazy» YouTube арнасына берген сұхбатында кәсіби боксқа ауысу мүмкіндігі туралы айтты.
Ол 2024 жылғы Азия чемпионатында (Чиангмай, Таиланд) 51 келі салмақта сынға түсіп, ауыр жарақат алған еді. Кейін ота жасатып, қазір қалпына келу кезеңінен өтіп жатыр.
– Кәсіби боксқа өту туралы ұсыныстар болды, бірақ әзірге әуесқой бокста қаламын. Ал алдағы жарыстарға кім баратынын бапкерлер шешеді. Кім мықты – сол таңдалады. Егер менің салмағымдағы басқа боксшының жолы болып жатса, тек қуанамын. Ең бастысы, еліміздің көк туы көтеріле берсін, гимніміз шырқала берсін – мен үшін ең үлкен бақыт осы, – деді Бибосынов.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
