Төрехан Сабырхан «Странджа кубогының» ең үздік боксшысы атанды
Торехан Сабырхан
Болгарияның София қаласында өткен «Страндж кубогы» аяқталды. Бұл турнирді «шағын әлем чемпионаты» деп атайды.
67 келіде алтын алған Төрехан Сабырхан турнирдің ең үздік боксшысы болып танылды.
Оның алғашқы қарсыласы Өзбекстанның Олимпиада чемпионы Асахуджа Муйдунходжаев болуы керек еді, бірақ денсаулығына байланысты жекпе-жектен бас тартты. Ширек финалда Сабырхан грузиялық Лаша Гонидзені, ал жартылай финал мен финалда азербайжандық Наби Искандаров пен Заур Гахрамановты жеңіп, чемпион атанды.
Осылайша, Төрехан Сабырхан бұл атақты алған екінші қазақстандық боксшы атанды. Бұған дейін 2008 жылы Мерей Ақшалов дәл осындай жетістікке жеткен еді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
