Нұрбек Оралбай Азия ойындарындағы жарысын ширек финалда аяқтады
Қазақстандық боксшы Нұрбек Оралбай Айти және Нагояда өтіп жатқан 2026 жылғы Азия ойындарындағы жарысын аяқтады. 90 келіге дейінгі салмақта өнер көрсеткен қазақстандық боксшы ширек финалда Өзбекстан өкілі Турабек Хабибуллаевтан төрешілердің бөлінген шешімімен 2:3 есебімен жеңілді, деп хабарлайды Pin-UpSport.kz.
Турнирді Оралбай Ауғанстан өкілі Силаб Нуриді жеңумен бастаған еді. Қазақстандық боксшы қарсыласынан төрешілердің бірауызды шешімімен 5:0 есебімен басым түсті.
Нұрбек Оралбай мен Турабек Хабибуллаев бұған дейін маусым айында Гуйян қаласында өткен World Boxing ұйымының әлем кубогі кезеңінде кездескен. Сол жекпе-жекте де өзбекстандық боксшы төрешілердің бөлінген шешімімен 3:2 есебімен жеңіске жеткен. Хабибуллаев қазіргі таңда World Boxing нұсқасы бойынша 90 келіге дейінгі салмақтағы әлем чемпионы саналады.
Осы маусымда Нұрбек Оралбай 85 келіге дейінгі салмақта Азия чемпионы атанды. Ол финалда Өзбекстан боксшысы Жасурбек Юлдошевтен басым түсті. Сонымен қатар қазақстандық боксшы Париж-2024 Олимпиадасының күміс жүлдегері. Айти және Нагояда өтіп жатқан XX жазғы Азия ойындары 4 қазанға дейін жалғасады.
