ӘЧ-2026: Қазақстандық жанкүйерлер матчтарды қайдан және қай уақытта көре алады
2026 жылғы футболдан әлем чемпионатының ұйымдастырушылары турнир матчтарының Астана уақыты бойынша кестесін жариялады, деп хабарлайды Pin-UpSport.kz.
Қазақстандық жанкүйерлер АҚШ, Канада және Мексикада өтетін әлем біріншілігінің ойындарын алдын ала жоспарлай алады.
Алдағы ӘЧ-2026 турнир тарихындағы ең ауқымды дода болмақ. Алғаш рет финалдық кезеңге 48 құрама қатысады, ал жарысты бірден үш мемлекет қабылдайды. Турнирдің ашылу матчы 12 маусымға қараған түні өтеді. Онда Мексика құрамасы Оңтүстік Африка Республикасымен кездеседі.
Топтық кезеңнің кестесі (Астана уақытымен):
12 маусым
00:00 – Мексика – ОАР
07:00 – Оңтүстік Корея – Чехия
13 маусым
00:00 – Канада – Босния және Герцеговина
06:00 – АҚШ – Парагвай
09:00 – Австралия – Түркия
14 маусым
00:00 – Катар – Швейцария
03:00 – Бразилия – Марокко
06:00 – Гаити – Шотландия
22:00 – Германия – Кюрасао
15 маусым
01:00 – Нидерланды – Жапония
04:00 – Кот-д’Ивуар – Эквадор
07:00 – Швеция – Тунис
21:00 – Испания – Кабо-Верде
16 маусым
00:00 – Бельгия – Мысыр
03:00 – Сауд Арабиясы – Уругвай
06:00 – Иран – Жаңа Зеландия
09:00 – Иордания – Австрия
17 маусым
00:00 – Франция – Сенегал
03:00 – Ирак – Норвегия
06:00 – Аргентина – Алжир
22:00 – Португалия – Конго Демократиялық Республикасы
18 маусым
01:00 – Англия – Хорватия
04:00 – Гана – Панама
07:00 – Өзбекстан – Колумбия
21:00 – Чехия – ОАР
Орталық Азия жанкүйерлері үшін Өзбекстан құрамасының өнер көрсетуі ерекше қызығушылық тудырады. Өзбекстан футболдан ӘЧ-2026 турниріне өз тарихында алғаш рет жолдама алып, топтық кезеңде Колумбия, Португалия және Конго Демократиялық Республикасына қарсы ойнайды.
Плей-офф кезеңі 29 маусымда басталады. Жартылай финал матчтары 15 және 16 шілдеде өтеді. Үшінші орын үшін кездесу 19 шілдеге жоспарланған, ал турнир финалы Қазақстан уақыты бойынша 20 шілдеде өтеді.
Қазақстандық көрермендер әлем чемпионатының барлық матчтарын «Qazaqstan» және «Qazsport» телеарналарынан тікелей эфирде тамашалай алады.
Қазақстан құрамасы ӘЧ-2026 финалдық кезеңіне жолдама ала алған жоқ. Ұлттық құрама іріктеу кезеңінде Бельгия, Уэльс, Солтүстік Македония және Лихтенштейн құрамаларымен бірге J тобында өнер көрсетті. 2025 жылдың күзінде қазақстандық футболшылар турнирдің финалдық кезеңіне шығу мүмкіндігінен айырылып, топта төртінші орынмен іріктеуді аяқтады.
Айбар Рысдаулет
Кристиан Эриксен Украинаға қарсы матчтағы жағдайдан кейін ауруханадан шығарылады
Григорий Ломакин Қытайдағы турнирдегі жарыс жолын аяқтады