Килиан Мбаппе әлем чемпионаты қарсаңында жарақат алды
Фото: LiveResult
Франция құрамасының шабуылшысы әрі капитаны Килиан Мбаппе ұлттық команданың жаттығуы кезінде жарақат алып, жаттығуды мерзімінен бұрын аяқтады, деп хабарлайды Pin-UpSport.kz.
Дереккөз мәліметінше, француз футболшысы алған жарақатына байланысты жаттығу алаңынан ерте кетуге мәжбүр болған.
Осы жарақаттың салдарынан Мбаппе 8 маусым күні өтетін Солтүстік Ирландияға қарсы жолдастық кездесуді өткізіп жіберуі мүмкін. Бұл ойын Франция құрамасы үшін әлем чемпионаты алдындағы соңғы сынақ болмақ.
Франция құрамасы әлем чемпионатындағы алғашқы матчын 16 маусымда өткізеді. Топтық кезеңде француздар I тобында Сенегал, Ирак және Норвегия құрамаларына қарсы ойнайды.
Команданың топтық кезеңдегі кездесулері 16, 23 және 26 маусым күндеріне жоспарланған.
Клуб деңгейінде Мбаппе мадридтік «Реалдың» намысын қорғайды. 2025/26 жылғы маусымда ол барлық турнирде 44 матч өткізіп, 42 гол соғып, жеті нәтижелі пас берген.
