«Ордабасы» президенті Ислам Чесноковтың ауысуы туралы пікір білдірді
Фото: SNS Group
Шымкенттің «Ордабасы» клубының президенті Дархан Қызайбаев Қазақстан құрамасының жартылай қорғаушысы Ислам Чесноковтың командаға ауысуы мүмкін деген ақпаратқа қатысты пікір айтты, деп хабарлайды Pin-UpSport.kz.
Клуб басшысы бұл ақпаратты растаған да, жоққа шығарған да жоқ. Оның айтуынша, нақты шешім кейін белгілі болады.
«Мүмкін деп айтып жатыр. Асықпайық. Уақыты келгенде жанкүйерлеріміз бәрін біледі», – деді Қызайбаев «Бірінші бол» YouTube арнасына берген сұхбатында.
Ислам Чесноков 2026 жылдың қаңтарында шотландиялық «Хартс» клубының ойыншысы атанған болатын. Осы уақыт ішінде қазақстандық футболшы команда сапында он матч өткізіп, бір гол соқты.
Маусым қорытындысы бойынша вингер клубымен бірге Шотландия чемпионатының күміс жүлдегері атанды.
Қазіргі уақытта Чесноков Қазақстан құрамасының орналасқан жерінде жүр. Ал «Ордабасы» ҚПЛ-дың 12 турында 28 ұпай жинап, турнир кестесінде бірінші орында келеді.
