Рико Верхувен Усикпен реванш өткізгісі келеді
Александр Усик. Фото: ATP
Нидерландтық кикбоксшы Рико Верхувен украиналық әлем чемпионы Александр Усикпен қарымта жекпе-жек өткізу мүмкіндігі туралы пікір білдірді, деп хабарлайды Pin-UpSport.kz.
Спортшының айтуынша, дәл қазір ол үшін ең маңызды жекпе-жек – Усикпен өтетін реванш.
«Қазіргі таңда мен қалайтын жалғыз жекпе-жек – осы. Бокста түрлі жағдайлар болып жатқанын білемін, сондықтан бұл кездесу бірден ұйымдастырылмауы мүмкін. Барлығы қалай өрбитінін көреміз», – деді Верхувен.
Еске салсақ, Усик пен Верхувен арасындағы алғашқы жекпе-жек 24 мамырға қараған түні Мысырдың Гиза қаласында өткен болатын. Украиналық боксшы 11-раундта техникалық нокаутпен жеңіске жетіп, ауыр салмақтағы WBC чемпиондық белбеуін қорғап қалды.
Александр Усик кәсіпқой бокста 25 жеңіске жеткен, оның 16-сын нокаутпен аяқтаған. Украиналық спортшы әлі күнге дейін жеңілістің ащы дәмін татқан жоқ.
Ал Рико Верхувен кәсіпқой бокста екі кездесу өткізіп, бір рет жеңіп, бір рет жеңілген.
