Анна Данилина «Ролан Гарростың» аралас жұптар сынында екінші айналымға шықты
Фото: VCG
Қазақстандық теннисші Анна Данилина Франция ашық чемпионатының аралас жұптар арасындағы бәсекесін сәтті бастады, деп хабарлайды Pin-UpSport.kz.
Бірінші айналымда Данилина америкалық Джеймс Трейсимен бірге Австралия өкілі Сторм Хантер мен Монакодан келген Хьюго Нис жұбын жеңді. Кездесу екі сетте 6:4, 7:5 есебімен аяқталды.
Матч 1 сағат 16 минутқа созылды.
Осылайша қазақстандық-америкалық жұп турнирдің екінші айналымына жолдама алды.
Енді ширек финал жолдамасы үшін Данилина мен Трейси Ульрикке Эйкери (Норвегия) / Лукас Мидлер (Австрия) және Алис Реймонд / Рафаэль Ракотоманга (екеуі де — Франция) жұптарының жеңімпазымен кездеседі.
Биылғы маусымда «Ролан Гаррос» турнирінің жалпы жүлде қоры рекордтық 72,8 миллион долларды құрайды.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
