Goal нұсқасы бойынша Еуропаның үздік футболшысы анықталды
Фото: FC Bayern via Getty Images
Goal басылымы 2025/26 жылғы маусым қорытындысы бойынша Еуропаның үздік футболшылары рейтингін жариялады. Тізімнің бірінші орнына «Бавария» шабуылшысы Гарри Кейн жайғасты, деп хабарлайды Pin-UpSport.kz.
Екінші орынды оның командаласы Майкл Олисе иеленді. Үшінші сатыда «Барселона» вингері Ламин Ямаль болса, төртінші орын мадридтік «Реалдың» шабуылшысы Килиан Мбаппеге бұйырды. Ал үздік бестікті «Арсеналдың» жартылай қорғаушысы Деклан Райс түйіндеді.
Үздік ондыққа сондай-ақ Усман Дембеле, Луис Диас, Хвича Кварацхелия, Бруну Фернандеш және Витинья енді.
Goal нұсқасы бойынша маусымның үздік 10 футболшысы:
Гарри Кейн («Бавария»);
Майкл Олисе («Бавария»);
Ламин Ямаль («Барселона»);
Килиан Мбаппе («Реал»);
Деклан Райс («Арсенал»);
Усман Дембеле («ПСЖ»);
Луис Диас («Бавария»);
Хвича Кварацхелия («ПСЖ»);
Бруну Фернандеш («Манчестер Юнайтед»);
Витинья («ПСЖ»).
Айта кетейік, 2025/26 жылғы маусымдағы УЕФА Чемпиондар лигасының жеңімпазы 30 мамыр күні анықталады. Финалда «Арсенал» мен «ПСЖ» кездеседі.
