Эвелина Ежова Ташкенттегі Challenge Cup кезеңінде алтын алды
Қазақстан құрамасының спорттық гимнастикадағы өкілі Эвелина Ежова Ташкентте өткен Challenge Cup кезеңінің жеңімпазы атанды, деп хабарлайды Pin-UpSport.kz.
Қазақстандық гимнаст қыз бөрене жаттығуында үздік нәтиже көрсетті. Финалда Ежова 12,850 ұпай жинап, алтын медаль иеленді.
Күміс жүлдені хорватиялық Тина Зельчич жеңіп алды — 12,650 ұпай. Ал өзбекстандық Дилдора Арипова 12,450 ұпаймен қола медальға қол жеткізді.
24 мамыр күні Қазақстан қоржынына тағы екі медаль түсті. Дияс Тойшыбек кермедегі жаттығуда күміс жүлдегер атанса, Алтынхан Темірбек тіреп секіруде қола медаль жеңіп алды.
Осылайша Қазақстан құрамасының қоржынында турнир қорытындысы бойынша бес жүлде бар. Бұған дейін Эмиль Ахмеджанов еркін жаттығуда алтын алса, Дияс Тойшыбек ат снарядындағы жаттығуда қола жүлдеге ие болған еді.
