Юлия Путинцева Париждегі турнирден жарақатына байланысты шығып қалды
Қазақстандық теннисші Юлия Путинцева Парижде өтіп жатқан WTA 125 турниріндегі жарысын аяқтады, деп хабарлайды Pin-UpSport.kz Tennisform басылымына сілтеме жасап. Спортшы ширек финал матчының алдында жарыстан бас тартты.
Мұндай шешім қабылдауға бел тұсындағы жарақат себеп болған. Ширек финалда Путинцева франциялық Диан Парримен кездесуі керек еді.
Қазақстандық теннисшінің турнирден шығуына байланысты Диан Парри жартылай финалға тікелей жолдама алды. Келесі кезеңде ол Алина Чараева мен Александра Соснович арасындағы матчтың жеңімпазымен ойнайды.
Еске салсақ, бұған дейін Юлия Путинцева 1/8 финалда украиналық Вероника Подрезді 6:4, 6:0 есебімен жеңген болатын.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
Фаниль Рафиков жаңа салмақ дәрежесіне ауысатынын мәлімдедіКелесі мақала:
Али Хейбати Қуат Хамитовпен жекпе-жек алдында мәлімдеме жасады