Елдос Сметов пен Ғұсман Қырғызбаев әлемдік рейтингте төмендеді
Елдос Сметов
Қазақстандық дзюдошылар Елдос Сметов пен Ғұсман Қырғызбаев Астанада өткен Qazaqstan Barysy Grand Slam турнирінен кейін жаңартылған әлемдік рейтингте төмен түсті, деп хабарлайды Pin-UpSport.kz.
Париж-2024 Олимпиадасының чемпионы Елдос Сметов 60 келіге дейінгі салмақ дәрежесінде алты сатыға төмендеп, қазір 29-орында тұр. Олимпиададан кейін қазақстандық спортшы ресми халықаралық жарыстарға қатысқан жоқ.
Ал Париж Олимпиадасының қола жүлдегері Ғұсман Қырғызбаев 66 келіге дейінгі салмақта үш орынға төмендеп, 18-сатыға жайғасты. Астанадағы Grand Slam турнирінде ол жарысты 1/8 финалда аяқтаған болатын.
Qazaqstan Barysy Grand Slam қорытындысы бойынша Қазақстан құрамасы сегіз медаль жеңіп алды. Оның екеуі алтын, екеуі күміс және төртеуі қола жүлде болды. Жалпыкомандалық есепте қазақстандық дзюдошылар Ресей мен Франция құрамаларынан кейін үшінші орын алды.
